ბატკნების ანაერობული დიზენტერიისა და ცხვრების ინფექციური ენტეროტოქსემიის საწინააღმდეგო შრატი

ბატკნების ანაერობული დიზენტერიისა და ცხვრების ინფექციური ენტეროტოქსემიის საწინააღმდეგო შრატი

შემადგენლობა: შრატი დამზადებულია პროდუცენტი–ხარის სისხლისგან, რომელიც ჰიპერიმუნიზებულია Clostridium perfringens –ის ტიპი B №1, ტიპი С “BT“ და ტიპი D №91 ანატოქსინებით. შრატის 1 სმ3 შეიცავს Clostridium perfringens-ის B, C და D ტიპის არანაკლებ 10 სე ანტიტოქსინს.

ფარმაკოლოგიური (ბიოლოგიური) თვისებები:  შრატი უზრუნველყოფს პასიური იმუნიტეტის ფორმირებას, ცხოველებში იმუნიტეტი ნარჩუნდება 10-14 დღის განმავლობაში.    შრატს აქვს პროფილაქტიკური და სამკურნალო მოქმედება ბატკნების ანაერობული დიზენტერიისა და ცხვრების ინფექციური ენტეროტოქსემიის მიმართ.

გამოყენების წესი და დოზირება: შრატით მკურნალობა უტარდება დიზენტერიით ან ენტეროტოქსემიით დაავადებულ ყველა ცხოველს. დაავადებულ ცხოველებს ათავსებენ იზოლირებულად (ძუძუზე მყოფ ბატკნებს ათავსებენ დედებთან ერთად). დიზენტერიის დროს შრატი პროფილაქტიკის მიზნით უკეთდება ყველა ახალშობილ ბატკანს დაბადებიდან 1-2 დღის შემდეგ, ხოლო  ცხვრების ენტეროტოქსემიის დროს, შრატი უკეთდებათ ბატკნებსაც და მოზრდილ ცხვრებსაც. შეყვანის ადგილის დეზინფიცირება უნდა განხორციელდეს 70%-იანი სპირტით. გამოყენებამდე და გამოყენების პროცესში შრატის ფლაკონები უნდა შეანჯღრიოთ, ხოლო ცივ სეზონზე გაათბოთ წყლის აბაზანაში (36-37) °C ტემპერატურამდე.

თერაპიის მიზნით შრატი შეიყვანება კუნთში, პროფილაქტიკის მიზნით – კანქვეშ, შემდეგი დოზებით:

შრატის დოზის გასაანგარიშებლად საჭირო პროფილაქტიკური (50 АЕ, 200 АЕ) ან თერაპიული (100 АЕ, 1000 АЕ) დოზა გაიყოს 1 სმ³–ში АЕ-ს რაოდენობაზე, რომელიც მითითებულია ეტიკეტზე.  დოზას განსაზღვრავენ  ანატოქსინის აქტივობით. თუ 1 სმ3 შრატი შეიცავს Clostridium perfringens –ის B ტიპის ანატოქსინს 10 АЕ-ს,  პროფილაქტიკის მიზნით ბატკნისთვის შესაყვანი შრატის დოზაა 50 АЕ-ს, ანუ ამ სერიის შრატის დოზაა 50:10=5სმ3. ცხვრების ინფექციური ენტეროტოქსემიის წინააღმდეგ შრატის შეყვანიდან 8-10 დღეში ცხოველების ვაქცინაცია ტარდება შესაბამისი ვაქცინით  ინსტრუქციის თანახმად.

უკუჩვენება: არ არსებობს მაკე ცხოველებში, ლაქტაციის პერიოდში მყოფ ცხოველეში.

გვერდითი მოვლენები: არ აღინიშნება. 

ლოდინის პერიოდი: ხორცი და სუბპროდუქტები:0 დღე

შენახვის პირობები: შრატს ინახავენ ბნელ ადგილზე და მისი ტრანსპორტირება ხდება 2°C-დან 8°C-მდე ტემპერატურაზე. დასაშვებია შრატის ტრანსპორტირება 25°C-მდე ტემპერატურაზე არაუმეტეს 15 დღე. დაუშვებელია გაყინვა. შრატი უნდა შეინახოთ ბავშვებისათვის მიუწვდომელ ადგილზე. 

ვარგისიანობის ვადა: 3 წელი, შრატი უნდა გამოიყენოთ ფლაკონის გახსნის დღეს.

შეფუთვა: შრატი დაფასოებულია 100 სმ³ შესაბამისი ტევადობის მინის ფლაკონში.