პენიპროკი

შემადგენლობა

პრეპარატის 1 მლ შეიცავს მოქმედ ნივთიერებებს:

პენიცილინი G პროკაინს                                  – 200000 ერთეული;

დიჰიდროსტრეპტომიცინის სულფატს        – 250 მგ;

ბეტამეტაზონის დიპროპიონატს                   – 0,5 მგ;

ქლორფენილამინის მალეატს                          – 8 მგ;

პროკაინის ჰიდროქლორიდს                           – 15 მგ.

ფარმაკოლოგიური თვისებები

პენიცილინი G – ბიოსინთეზური პენიცილინების ანტიბიოტიკია, რომელიც აქტიურია გრამდადებითი მიკროორგანიზმების, მათ შორის, Streptococcus pneumoniae, Staphylococcus spp. (პენიცილინაზის მაპროდუცირებელი შტამების გარდა), Corynebacterium pyogenes, Bacillus spp., ლისტერიების (Listeria spp.), ერიზიპელოტრიქსის (Erysipelothrix rhusiopathiаe), კორინებაქტერიებისა და ანაერობული ბაქტერიების უმეტესობის (აქტინომიცეტების, Peptostreptococcus spp., Clostridium spp.), სპიროქეტების (Treponema spp., Borrelia spp., Leptospira spp.) წინააღმდეგ.

ნივთიერების მოქმედების ძირითად მექანიზმს წარმოადგენს უჯრედის გარსის მუკოპეპტიდის – პეპტიდოგლიკანის სინთეზის დარღვევა, რაც იწვევს მიკროორგანიზმების უჯრედის კედლების სინთეზის ინჰიბირებას, ბაქტერიების ზრდისა და გამრავლების დათრგუნვას.

დიჰიდროსტრეპტომიცინის სულფატი ამინოგლიკოზიდური ანტიბიოტიკია, რომელიც ბაქტერიოციდულად მოქმედებს გრამუარყოფით და გრამდადებით მიკროორგანიზმებზე (Escherichia coli, Salmonella spp., Shigella spp., Yersinia spp., Klebsiella spp., Haemophilus influenzae, Staphylococcus spp., Corynebacterium pyogenes). ნივთიერების ბაქტერიოციდული მოქმედება ვლინდება ბაქტერიული რიბოსომის  30S-სუბერთეულის შებოჭვით, რაც შემდგომში ცილის სინთეზის დათრგუნვას იწვევს.

ქლორფენილამინის მალეატი მოქმედებს, როგორც დესენსიბილიზაციის, ანტიჰისტამინური საშუალება, აუმჯობესებს სუნთქვის პროცესს.

ბეტამეტაზონი სინთეტიკური კორტიკოსტეროიდია, რომელსაც აქვს ანთების საწინააღმდეგო გამოხატული მოქმედება.

პროკაინის ჰიდროქლორიდი ადგილობრივი ანესთეზიის საშუალებაა, რომელიც ავლენს გაუტკივარებისა და ჰიპოტენზიურ მოქმედებას. პარენტერალურად მიღებისას პროკაინის ჰიდროქლორიდი ამცირებს აცეტილქოლონის პროდუქციას, რითაც აქვეითებს პერიფერიული ქოლინორეაქტიული სისტემების აგზნებადობას, ხელს უწყობს ვეგეტატიური განგლიების ბლოკირების ზემოქმედების წარმოქმნას, ამცირებს მიოკარდისა და თავის ტვინის ქერქის მოტორული ზონების აგზნებას.

პენიცილინი G პროკაინი შეყვანისას კარგად იწოვება – სისხლსა და ქსოვილებში მაქსიმალურ კონცენტრაციას აღწევს 0,5 საათში. პლევრალურ ღრუში, პერიკარდსა და სინოვიალურ ჩანთებში უმნიშვნელო რაოდენობებში აღწევს. პრეპარატი ორგანიზმიდან ძირითადად  (90%-მდე) შარდთან ერთად გამოიყოფა, მცირე რაოდენობით – რძესთან და ნაღველთან ერთად.

პარენტერალური შეყვანის დროს, გამოკვლეული დიჰიდროსტრეპტომიცინის სულფატის ბაქტერიოსტატიკური კონცენტრაცია 15-30 წუთში წარმოიქმნება და 1-2 საათში აღწევს მაქსიმუმს. თერაპიულ კონცენტრაციაში (15 მკგ/მლ) ანტიბიოტიკი სისხლში კავდება 8-12 საათის განმავლობაში. ძირითადად (95%) თირკმლებით გამოიყოფა.

გამოყენება

მსხვილფეხა რქოსანი პირუტყვის, ღორის, ცხენის, ცხვრის, თხის, ძაღლისა და კატის ომფალიტის, ართრიტის, მასტიტის, სეპტიცემიის და მეორადი ინფექციების, ასევე სუნთქვის ორგანოებისა და შარდ-სასქესო გზების დაავადებების სამკურნალოდ, რომლებიც გამოწვეულია პენიცილინისა და დიჰიდროსტრეპტომიცინისადმი მგრძნობიარე მიკროორგანიზმებით.

დოზირება

კუნთში შემდეგი დოზით: 1-1,5 მლ პრეპარატი სხეულის წონის 10 კგ-ზე 2-4 დღის განმავლობაში

უკუჩვენებები

მომატებული მგრძნობელობა პენიცილინებისა და დიჰიდროსტრეპტომიცინის მიმართ.

არ გამოიყენოთ ბოცვრებისთვის, ზღვის გოჭებისთვის, ზაზუნებისთვის და სხვა წვრილი ბალახისმჭამელი ცხოველებისთვის.

არ გამოიყენოთ იმ ცხოველებისთვის, რომლებსაც დარღვეული აქვს თირკმლის ფუნქციები.

შენახვა

მშრალ, ბნელ, ბავშვებისთვის მიუწვდომელ ადგილას, 5°C-დან 25°C-მდე ტემპერატურაზე.

შენახვის ვადა – 2 წელი.

ფლაკონიდან პირველად ამოღების შემდეგ აუცილებელია ფლაკონში დარჩენილი პრეპარატის გამოყენება 28 დღის განმავლობაში იმ პირობით, რომ ფლაკონი შენახული იქნება მშრალ, ბნელ ადგილას, 2°C-დან 8°C-მდე ტემპერატურაზე.

გამოშვების ფორმა

10, 20, 100 და 250 მლ ტევადობის შუშის ფლაკონები