დეტალური აღწერა
ზოლეტილი® 100
შემადგენლობა: ლიოფილიზატის 970 მგ ფლაკონი შეიცავს:
აქტიური ნივთიერებები:
ტილეტამინი (ჰიდროქლორიდის სახით) ………………………………………. 250.00 მგ
ზოლაზეპამი (ჰიდროქლორიდის სახით) ……………………………………… .250.00 მგ
გამხსნელის 5 მლ ფლაკონი შეიცავს:
ბენზილის სპირტი (E1519)………………………………………………………………..100.00 მგ
საინექციო წყალი ……………………………………………………………………………. QSP. 5.00 მლ
ერთი მლ გაზავებული ხსნარი შეიცავს:
აქტიური ნივთიერებები:
ტილეტამინი (ჰიდროქლორიდის სახით) ………………………………………. 50.00 მგ
ზოლაზეპამი (ჰიდროქლორიდის სახით) ……………………………………… .50.00 მგ
დამხმარე ნივთიერება:
ბენზილის სპირტი (E1519)………………………………………………………………..20.00 მგ
ლიოფილიზატის ვიზუალური მხარე: თეთრი-მოყვითალო კომპაქტური მასა.
გამხსნელის ვიზუალური მხარე: გამჭვირვალე უფერო სითხე.
გაზავებული ხსნარის ვიზუალური მხარე: გამჭვირვალე, უფერო-მომწვანო-მოყვითალო ხსნარი, ნაწილაკების გარეშე.
სამიზნე სახეობები: ძაღლები და კატები.
ჩვენება: გამოიყენება ძაღლებში და კატებში ზოგადი ანესთეზიისთვის.
გამოყენება და დოზირების მეთოდი:
ინტრამუსკულური ან ინტრავენური გზით.
დოზირება:
ლიოფილიზატის ფლაკონის შემცველობა უნდა განზავდეს 5 მლ გამხსნელში.
დოზა გამოხატულია მთლიანი პროდუქტის მგ-ში, იმის გათვალისწინებით, რომ გაზავებული პროდუქტი არის 100 მგ/მლ კონცენტრაციაში და შეიცავს 50 მგ ტილეტამინს/მლ-ზე და 50 მგ ზოლაზეპამს/მლ-ზე.
რეკომენდებული დოზა დამოკიდებულია იმაზე თუ როგორ ხდება პროდუქტის შეყვანა ინტრამუსკულარული გზით (რეფლექსის დაკარგვა 3-დან 6 წუთში) თუ ინტრავენური გზით (რეფლექსის დაკარგვა ერთ წუთზე ნაკლებ დროში):
| ძაღლები | ინტრამუსკულარული გზა | ინტრავენური გზა |
| ნაკლებად მტკივნეული გამოკვლევები და პროცედურები | 7-დან 10-მდე მგ/კგ
0,07-დან 0,1-მდე მლ/კგ სხეულის წონაზე. |
5მგ/კგ
0,05 მლ/კგ სხეულის წონაზე. |
| მცირე ქირურგიული პროცედურები, ხანმოკლე ანესთეზია | 10-დან 15-მდე მგ/კგ
0,1-დან 0,15-მდე მლ/კგ სხეულის წონაზე. |
7,5 მგ/კგ
0,075 მლ/კგ სხეულის წონაზე. |
| მტკივნეული პროცედურები | 15-დან 25-მდე მგ/კგ
0,15-დან 0,25-მდე მლ/კგ სხეულის წონაზე. |
10 მგ/კგ
0,1 მლ/კგ სხეულის წონაზე. |
| კატები | ინტრამუსკულარული გზა | ინტრავენური გზა |
| ნაკლებად მტკივნეული გამოკვლევები და პროცედურები | 10 მგ/კგ
0,1 მლ/კგ სხეულის წონაზე. |
5მგ/კგ
0,05 მლ/კგ სხეულის წონაზე. |
| ორთოპედიული ოპერაცია | 15 მგ/კგ
0,15 მლ/კგ სხეულის წონაზე. |
7,5 მგ/კგ
0,075 მლ/კგ სხეულის წონაზე. |
საჭიროების შემთხვევაში, პროდუქტის ინტრავენურის გზით შეყვანა შესაძლებელია საწყისი დოზის ერთი მესამედით (1/3) ან ნახევარით (1/2), ისე რომ საერთო დოზა არ უნდა აჭარბებდეს 26.4 მგ/კგ-ს (0.264 მლ/კგ სხეულის წონაზე). პროდუქტის ინდივიდუალური შედეგი ბევრ ფაქტორზეა დამოკიდებული. დოზა ასევე უნდა დარეგულირდეს პრაქტიკოსის მიერ, სახეობის, ინტერვენციის სახის და ხანგრძლივობის და თანმხლები პრეპარატების (პრესაანესთეზიო საშუალებები და სხვა საანესთეზიო საშუალებები) და ცხოველის ჯანმრთელობის მდგომარეობის შესაბამისად (ასაკი, სიმსუქნე, მძიმე ორგანული ნაკლოვანებები, შოკის მდგომარეობა, დამასუსტებელი დაავადებები). ანესთეზიის ხანგრძლივობა: 20-დან 60 წუთამდე დოზის შესაბამისად. პროდუქტი არ უნდა იქნას გამოყენებული დამოუკიდებლად, ისეთი მტკივნეული პროცედურების დროს, რომლებიც ასევე საჭიროებს შესაბამის ანალგეზიას.
ქირურგიული ოპერაციისთვის მომზადება:
ისევე როგორც ნებისმიერი საანესთეზიო საშუალების შემთხვევაში, ცხოველი უნდა იყოს უზმოზე, ანესთეზიამდე მინიმუმ 12 საათის განმავლობაში.
ძაღლებსა და კატებში შესაძლებელია განიხილებოდეს ატროპინის შეყვანა კანქვეშა გზით, ინექციამდე 15 წუთით ადრე.
გაღვიძების ფაზა:
ანალგეზია უფრო დიდხანს გრძელდება, ვიდრე ქირურგიული ანესთეზია. გაღვიძება ეტაპობრივია და შესაძლებელია დასჭირდეს 2-დან 6 საათამდე წყნარ გარემოში (მოერიდეთ ზედმეტ ხმაურს და სინათლეს). ზედმეტი დოზის გამოყენების შემთხვევაში, შესაძლოა დაგვიანდეს გამოღვიძება მსუქან, ასაკოვან ან დასუსტებულ ცხოველებში.
გვერდითი მოვლენები:
ძალიან იშვიათად აღინიშნა ტკივილი ინექციის ადგილას. ეს გვერდითი მოვლენა განსაკუთრებით კატებში შეინიშნება.
ძალიან იშვიათ შემთხვევებში, ძირითადად ძაღლებში, გაღვიძების ფაზაში და კატებში ოპერაციისა და გაღვიძების ფაზაში, გამოვლინდა შემდეგი ნიშნები:
- ნევროლოგიური ნიშნები – პროსტრაცია, კრუნჩხვები, კომა.
- კარდიო-რესპირატორული ნიშნები – ქოშინი, ტაქიპნოე, ბრადიპნოე, ტაქიკარდია, ციანოზი – აღინიშნება 20 მგ/კგ ან მეტი დოზის მიღების შემთხვევაში.
- სისტემური ნიშნები – ჰიპოთერმია, ჰიპერთერმია, გუგების დარღვევები, ჭარბი ნერწყვდენა, ჰიპერმგრძნობელობა გარეგანი სტიმულის მიმართ, აგზნება, ვოკალიზაცია.
გამოღვიძების ფაზისას დაფიქსირდა ხანგრძლივი ანესთეზია და გამოღვიძების რთული ფაზა (მიოკლონუსით, აგზნებით, ატაქსიით, პარეზით და ა.შ.). ყველა ეს რეაქცია შექცევადია და ქრება აქტიური ნივთიერების ორგანიზმიდან გასვლის შემდეგ.
გვერდითი მოვლენების სიხშირე განისაზღვრა შემდეგნაირად:
- ძალიან ხშირი (გამოვლინდა 10 ნამკურნალევი ცხოველიდან ერთზე მეტ ცხოველში).
- ხშირი (გამოვლინდა 100 ნამკურნალევი ცხოველიდან 1-დან 10-მდე ცხოველში).
- არახშირი (გამოვლინდა 1000 ნამკურნალევი ცხოველიდან 1-დან 10-მდე ცხოველში).
- იშვიათი (გამოვლინდა 10 000 ნამკურნალევი ცხოველიდან 1-დან 10-მდე ცხოველში).
- ძალიან იშვიათი (გამოვლინდა 10 000 ნამკურნალევი ცხოველიდან ერთზე ნაკლებ ცხოველში, ცალკეული შემთხვევების ჩათვლით).
უკუჩვენებები:
- არ გამოიყენოთ აქტიური ნივთიერების ან დამხმარე ნივთიერებების მიმართ ჰიპერმგრძნობელობის შემთხვევაში.
- არ გამოიყენოთ იმ ცხოველებში, რომელთაც აღენიშნებათ გულის ან სასუნთქი სისტემის მძიმე დაავადება ან თირკმლის, პანკრეასის ან ღვიძლის უკმარისობა.
- არ გამოიყენოთ მძიმე ჰიპერტენზიის დროს.
- არ გამოიყენოთ კურდღლებში.
- არ გამოიყენოთ თავის ტრავმის ან ინტრაკრანიალური სიმსივნის მქონე ცხოველებში.
- არ გამოიყენოთ საკეისრო კვეთისთვის.
- არ გამოიყენოთ მაკე ძაღლებში და კატებში.
სიფრთხილის განსაკუთრებული ზომები:
ძაღლებში ტრანკვილიზაციის ხანგრძლივობა ანესთეზიის ხანგრძლივობაზე ხანმოკლეა, რადგან ზოლაზეპამი უფრო სწრაფად გამოდის ორგანიზმიდან, ვიდრე ტილეტამინი.
სიფრთხილის განსაკუთრებული ზომები ცხოველთან გამოყენებისას: ცხოველები უნდა იყვნენ უზმოზე, ანესთეზიამდე 12 საათის განმავლობაში. მოხსენით ანტიპარაზიტული საყელოები ანესთეზიამდე 24 საათით ადრე. საჭიროების შემთხვევაში, ვეტერინარის მიერ განსაზღვრული სარგებელის/რისკის თანაფარდობის შეფასების გათვალისწინებით, შესაძლებელია პრემედიკაცია ანტიქოლინერგული აგენტით, როგორიცაა ატროპინი, რომელიც შეზღუდავს ჰიპერსალვაციას. მოარიდეთ ანესთეზირებული ცხოველი ძლიერი სმენითი და ვიზუალური სტიმულისგან. კატებში აპნოე უფრო ხშირად აღინიშნება ინტრავენური ინექციის შემდეგ, ვიდრე ინტრამუსკულური ინექციის შემდეგ. განსაკუთრებით მაღალი დოზის შემთხვევაში, რესპირატორული ციკლის ეს ანომალია შესაძლოა გაგრძელდეს ინდუქციის შემდეგ 15 წუთამდე, შემდეგ სუნთქვა ისევ ნორმალური ხდება. გახანგრძლივებული აპნოეს შემთხვევაში, შესაძლოა საჭირო გახდეს რესპირატორული დახმარება. ძაღლებში რეკომენდებულია ზედმიწევნითი კონტროლი ინდუქციის შემდეგ პირველი 5-10 წუთის განმავლობაში, განსაკუთრებით კარდიო–პულმონარული დაავადების მქონე ცხოველებში. პროდუქტმა შესაძლოა გამოიწვიოს ჰიპოთერმია. რისკის მქონე ცხოველებში (სუსტი სხეული, ოთახის დაბალი ტემპერატურა) რეკომენდებულია სითბოს წყაროს დამატება. ძაღლებსა და კატებში პროდუქტის მიღების შემდეგ თვალები ღია რჩება და თვალები დაცული უნდა იყოს ტრავმისგან, ასევე რქოვანას ზედმეტად გამოშრობისაგან. შესაძლებელია საჭირო იყოს დოზის შემცირება ხანდაზმულ, დასუსტებულ ან თირკმელების ფუნქციის დარღვევის მქონე ცხოველებში. რეფლექსები (მაგალითად პალპებრალური, პოდალური და ხორხის რეფლექსები) არ ითრგუნება ანესთეზიის დროს და ამიტომ მხოლოდ ამ პროდუქტის გამოყენება შესაძლოა არ იყოს საკმარისი იმ შემთხვევაში, თუ ქირურგიული პროცედურა მოიცავს შესაბამის უბნებს. ხელახალმა ინექციებმა შესაძლოა გაახანგრძლივოს და გააუარესოს გამოღვიძების ფაზის ხარისხი. ამ შემთხვევაში გვერდითი მოვლენები (ჰიპერრეფლექსია, ნევროლოგიური დარღვევები) დაკავშირებულია ტილეტამინის მოქმედებასთან. გამოღვიძების ფაზა უნდა მიმდინარეობდეს მშვიდ გარემოში.
ეს პროდუქტი შეიცავს ბენზილის სპირტს, რომელიც ცნობილია, რომ გვერდით მოვლენებს იწვევს ახალშობილებში. ამიტომ პროდუქტის გამოყენება არ არის რეკომენდებული ძალიან ახალგაზრდა ცხოველებში.
მაკეობა და ლაქტაცია: ლაბორატორიულ ცხოველებზე ჩატარებულმა კვლევებმა არ გამოავლინა რაიმე სახის ტერატოგენული მოქმედება. პროდუქტი აღწევს პლაცენტამდე და შესაძლოა გამოიწვიოს სუნთქვის დათრგუნვა ახალშობილებში, რაც პოტენციურად ფატალურია ლეკვებსა და კნუტებში. მაკეობის ან ლაქტაციის პერიოდში პროდუქტის უსაფრთხოება დადგენილი არ არის. არ გამოიყენოთ მაკეობის პერიოდში. ლაქტაციის შემთხვევაში, გამოყენება უნდა მოხდეს მხოლოდ პასუხისმგებელი ვეტერინარის მიერ დადგენილი სარგებლის/რისკის თანაფარდობის შეფასების შემდეგ.
ურთიერთქმედება სხვა პრეპარატებთან და ურთიერთქმედების სხვა ფორმები:
ამ პროდუქტის სხვა საანესთეზიო ან წინასაანესთეზიო საშუალებებთან ერთად გამოყენების რისკის/სარგებლის თანაფარდობის შეფასებისას გათვალისწინებული უნდა იყოს გამოყენებული პროდუქტების დოზა, ინტერვენციის სახეობა და ASA-ს (ამერიკული ანესთეზიოლოგთა საზოგადოება) კლასიფიკაცია. ტილეტამინ-ზოლაზეპამის კომბინაციის საჭირო დოზა შესაძლოა შეიცვალოს იმისდა მიხედვით, თუ რომელი სხვა აგენტები გამოიყენება თანადროულად. შესაძლოა საჭირო გახდეს ტილეტამინ-ზოლაზეპამის კომბინაციის დოზის შემცირება პრემედიკაციის და სხვა საანესთეზიო საშუალებების ერთდროული გამოყენების შემთხვევაში. ფენოთიაზინების ოჯახის ტრანკვილიზატორებით პრემედიკაციამ (მაგალითად, აცეპრომაზინი) შესაძლოა გაზარდოს კარდიო-რესპირატორული დეპრესია და ჰიპოთერმია, რომელიც ვითარდება ანესთეზიის ბოლო ეტაპზე.
არ გამოიყენოთ ქლორამფენიკოლის შემცველი პრეპარატები პრეოპერაციულ ან ინტრაოპერაციულ პერიოდში, საანესთეზიო საშუალებების ორგანიზმიდან გამოდევნის შენელების გამო.
დოზის გადაჭარბება (სიმპტომები, გადაუდებელი პროცედურები, ანტიდოტები):
ლეტალური დოზა კატებსა და ძაღლებში არის 100 მგ/კგ-ზე ინტრამუსკულური გზით, ანუ 5-10-ჯერ მეტი საანესთეზიო დოზა. დოზის გადაჭარბების და მსუქანი ან ხანდაზმული ცხოველების შემთხვევაში გამოღვიძება შესაძლოა იყოს უფრო ნელი. ცხოველები, რომლებმაც მიიღეს ზედმეტი დოზა, საჭიროებენ ყურადღებით დაკვირვებას. დოზის გადაჭარბება ძირითადად ვლინდება კარდიო-რესპირატორული დათრგუნვით, რაც შესაძლებელია განვითარდეს 20 მგ/კგ დოზიდან, ცხოველის ჯანმრთელობის მდგომარეობის, ცენტრალური ნერვული სისტემის დეპრესიის სიღრმისა და შესაძლო ჰიპოთერმიის შესაბამისად. კრანიალური და მედულარული რეფლექსების დაკარგვა წარმოადგენს დოზის გადაჭარბების ადრეულ სიგნალს, რომელსაც ყურადღება უნდა მიაქციოს პრაქტიკოსმა. აღნიშნულმა შესაძლოა გამოიწვიოს ხანგრძლივი ანესთეზია. არ არსებობს სპეციფიკური ანტიდოტი; მკურნალობა სიმპტომურია. დოქსაპრამმა შესაძლოა მოახდინოს ტილეტამინ-ზოლაზეპამის კომბინაციის მოქმედების ანტაგონიზირება გულისცემის და სუნთქვის სიხშირის გაზრდით და გაღვიძების დროის შემცირებით.
არათავსებადობა:
თავსებადობის კვლევების არარსებობის გამო, ეს ვეტერინარული პრეპარატი არ უნდა იყოს შერეული სხვა ვეტერინარულ პრეპარატებთან.
შენახვის პირობები:
შეინახეთ ბავშვებისთვის მიუწვდომელ ადგილას. ფლაკონები შეინახეთ გარე შეფუთვაში, რათა დაიცვათ სინათლის შეღწევისგან. განზავების შემდეგ შეინახეთ მაცივარში (2°C-დან 8°C ტემპერატურაზე).
ვარგისიანობის ვადა: არ გამოიყენოთ ეს ვეტერინარული პრეპარატი ეტიკეტზე მითითებული ვარგისობის ვადის გასვლის შემდეგ, ვარგისობის ვადა გულისხმობს მითითებული თვის ბოლო დღეს.
შენახვის ვადა გაზავების შემდეგ ინსტრუქციის შესაბამისად: 8 დღე +2°C-დან +8°C-მდე.
გამოშვების ფორმა:
კოლოფი ლიოფილიზატის ერთი 970 მგ ფლაკონის და გამხსნელის ერთი 5 მლ ფლაკონის შემცველობოთ.
კოლოფი ლიოფილიზატის ათი 970 მგ ფლაკონის და გამხსნელის ათი 5 მლ ფლაკონის შემცველობით.
