შემადგენლობა: ექვისექტი პასტა მოქმედი ნივთიერების სახით შეიცავს ავერსექტინი C-ს – 1%, ასევე დამხმარე ნივთიერებებს: პოლიეთილენოქსიდს-1500 – 30%, გლიცერინს – 15%, ბენზილის სპირტს – 4,0%, პოლივინილპიროლიდონს – 1%, პოლიეთილენოქსიდს-400 – 100%-მდე. პრეპარატი წარმოადგენს ღია-ყავისფერ ერთგვარ პასტისებრ მასას.
მოქმედება: ექვისექტი პასტა – არის სისტემური მოქმედების პარაზიტების საწინააღმდეგო სამკურნალო საშუალება. ავერსექტინი C, რომელიც შედის პრეპარატის შემადგენლობაში, აქტიურია ცხენების პარაზიტების – ნემატოდების, ტილების, სისხლისმწოველების, ცხვირ-ხახის, კუჭის ბორის მატლების განვითარების პრეიმაგინალურ და იმაგინალურ ფაზაში.
ცხენის სისხლის პლაზმაში ავერსექტინის მაქსიმალური კონცენტრაცია აღინიშნება ექვისექტი პასტის პერორალური შეყვანიდან 5 საათში და გრძელდება თერაპიულ დონეზე 7-10 დღის განმავლობაში.
დოზირება და გამოყენების წესი: ექვისექტი პასტა ინიშნება ცხენების სამკურნალოდ და პროფილაქტიკისთვის სტრონგილიდოზების ტრიქონემატიდოზების (ციატოსტომინოზების), ოქსიუროზის, პრობსტმაურიოზის, პარასკარიდოზის, სტრონგილოიდოზის, ტრიქოსტრონგილოზის, დიქტიოკაულოზის, პარაფილარიოზის, სეტარიოზის, ონქოცერკოზის, გაბრონემატოზის, დრაიშიოზის, ასევე გასტროფილოზისა და რინესტროზის დროს.
ეექვისექტი პასტა გამოიყენება ცხენებში ერთჯერადად პერორალურად ცხოველის მასის 100 კგ-ზე 2 გ-ის გაანგარიშებით (მოქმედი ნივთიერების 0.2 მგ/კგ).
პასტა უნდა გადაიტანოთ ცხოველის ენის ძირზე შპრიცი-დოზატორიდან, რომელიც შეჰყავთ პირის ღრუს კბილთაშუა სივრცეში და შემდეგ რამდენიმე წამით აწიეთ ცხოველის თავი იმისათვის, რომ პასტა არ გადმოვიდეს.
ცხენის მასაზე გათვლილი პასტის მოცულობა უნდა განისაზღვროს ფიქსატორით შესაბამისი დოზის დაფიქსირებით. შპრიცზე აღნიშნული ხაზები შეესაბამება 2 გ პასტას.
ნემატოდოზებისა და ბორების ინვაზიების დროს სამკურნალო-პროფილაქტიკური მიზნით მოზრდილ ცხენებში და ძუძუზე მყოფ კვიცებში პასტა გამოიყენება კვერცხებისა და მატლების ლაბორატორიული გამოკვლევის კონტროლით შესაბამისად ქვემოთ მითითებული რეკომენდაციების თანახმად:
ექვისექტი პასტის გამოყენების სქემა მოზრდილ ცხენებში
ნემატოდოზებისა და ბორების ინვაზიების დროს
სტრონგილიდოზები – საძოვრულ პერიოდში სულ მცირე ერთხელ 2 თვეში
ტრიქოსტრონგილოზი, დიქტიოკაულოზი – საძოვრულ პერიოდში ორჯერ გაზაფხულზე და შემოდგომაზე
პარასკარიდოზი, ოქსიუროზი – ბაგურ პერიოდში 2 თვეში ერთხელ
გაბრონემატოზი, დრაიშიოზი – ჩვენების მიხედვით გაზაფხულზე, ზაფხულზე და შემოდგომაზე
პარაფილარიოზი, სეტარიოზი, ონქოცერკოზი – პროფილაქტიკისთვის სტაციონარულად არახელსაყრელ მეურნეობებში თვეში ერთხელ ზაფხულის პერიოდში
გასტროფილოზი, რინესტროზი – ჩვენების მიხედვით საძოვრულ პერიოდში 2 თვეში ერთხელ
ექვისექტი პასტის გამოყენების სქემა ძუძუზე მყოფ კვიცებში
ნემატოდოზებისა და ბორების ინვაზიების დროს
სტრონგილიდოზები – თვეში ერთხელ
პრობსტმაურიოზი – ჰელმინთოსკოპიის ჩვენებების მიხედვით, ერთჯერადად
პარასკარიდოზი – 2-3 თვის ასაკიდან თვეში ერთხელ
ტრიქონემატიდოზები (ციატოსტომინოზები) – 3 თვის ასაკიდან ძუძუთი კვების შეწყვეტამდე 2 თვეში ერთხელ
გასტროფილოზი, რინესტროზი – ჩვენების მიხედვით საძოვრულ პერიოდში ერთხელ 2 თვეში
გვერდითი მოვლენები: წინამდებარე ინსტრუქციის შესაბამისად ექვისექტი პასტის გამოყენებისას გვერდითი მოქმედებები და გართულებები, როგორც წესი, არ აღინიშნება. სეტარიოზისა და ონქოცერკოზის დროს პრეპარატის გამოყენებისას შესაძლებელია ყბათაშორისი სივრცის, თაბაბის, თაფხუნის, სათესლის პარკის შეშუპება, რომელიც დამოუკიდებლად ქრება 1-3 დღის განმავლობაში. პრეპარატის კომპონენტების მიმართ ცხოველის მომატებული ინდივიდუალური მგრძნობელობისა და ალერგიული რეაქციების გამოვლენის შემთხვევაში პრეპარატის გამოყენება უნდა შეწყდეს და ცხოველს დაენიშნოს მადესენსიბილიზებელი თერაპია.
უკუჩვენება: ექვისექტი პასტის გამოყენების უკუჩვენებას წარმოადგენს ცხოველის ინდივიდუალური მომატებული მგრძნობელობა პასტის კომპონენტების მიმართ (მათ შორის, ანამნეზში). არ შეიძლება დაუძლურებული, ინფექციური დაავადებების მქონე და გამოჯანმრთელების სტადიაში მყოფი ცხოველების, ასევე მეძუძური ფაშატების, რომელთა რძე გამოიყენება საკვებში, და 100 კგ-ზე ნაკლები მასის კვიცების დამუშავება.
გამოშვების ფორმა: ექვისექტი პასტა გამოდის პოლიმერის შპრიცი-დოზატორებში, თითოში 14 გ.
შენახვის ვადა: შენახვის პირობების დაცვის შემთხვევაში პრეპარატის ვარგისიანობის ვადა დახურულ შეფუთვაში შეადგენს 3 წელს დამზადების დღიდან.
შენახვის პირობები: ექვისექტი პასტა ინახება მწარმოებლის დახურულ შეფუთვაში მშრალ, პირდაპირი მზის სხივებისგან დაცულ ადგილზე, ცალკე საკვები პროდუქტებისა და ცხოველების საკვებისგან, გამათბობელი ხელსაწყოებიდან და ცეცხლისგან მოშორებით, 0-25˚C-ის ტემპერატურის პირობებში.
მწარმოებელი: შპს ~ფარმბიომედსერვისი~,ქ. მოსკოვი
0 კომენტარი